اطفال الأجانب
في الصباح حيث يبداء يوم اطفال الاجانب عندما يستيقظ على صوت
الكناري اللي بغرفته بعدها يتوجه للحمام يتروش ويفرش اسنانه ويطلع
من الحمام تستقبله المربيه بالمنشفه وتصبح عليه يروح يغير ملابسه
وياخذ شنطته وينزل لغرفة الطعام ويصبح على امه وابوه واحلىىىى
بوسه ياخذها منهم ويفطر ذاك الفطور طبعا عباره عن كورن فلي**
ابو ديك وبيضه وحده بس!! وكاس عصير وشويت زبده مع العسل على خبزه .
بعدين يقوم يغسل فمه ويودع الماما والبابا ويتوجه للسياره يلقى قدامه
السواق مبتسم ويفتح له الباب ويوديه لمدرسته الخاصه
اطفالنا المحترمين
يقوم الصبح بعد ما يطلع عين اهله ولازم افراد العائله تمر عليه
عشان تصحيه وكل واحد وطريقته:
الاب:قم جعلك الهزل
الأم:قم جعلك الجدري
الأخ: والله اذا ما تقوم لافقع وجهك
أخته: < تسوي نفسها بتدلعه> يالله قوم وأعطيك شنطة أخوك تروح فيها للمدرسة
بعد ما يقوم يمر الحمام على السريع ويغسل وجه
وبعدين ياخذ اقرب كتب عنده ويربطها ويجيك مدحدر يدور الفطور ويتفاجأ
انهم ما حطوه؟؟
بعد ما يجي الفطور وهو كالعاده : فول شكشوكه تميس + حليب
يبدأ بالأكل وشوي الا وهو حاذف أخوه بعلبة الهندسه
عشانه سحب صحن الفول من عنده وشوي الا وهو
مسدد بقس عنيف يمشي مليوووووووووووون لأخوه الثاني!! لأنه سرق فسحته؟؟
أبوه يتكلم معه انت ليش ماتركد وافطر وعين خير انت وش بلاك وراك مدرسه
يرد الولد عليه: انت ما تشوف سعيدان سارق فسحتي؟؟
< سعيدان اكبر سروق بالبيت >> ابوه على طول يصدق ويصـــــــك
سعيدان كف صدقي
المهم بعد ما يخلص الفلم اليومي يروح الولد للسياره يلقى اخوه فاتح
الكبوت ويصب ماء للرديتر المشقوق تقفل اخلاق الولد وينقز للشارع ويأشر لأقرب سياره ويروح للمدرسه
أطفال الاجانب
- بعد المدرسه يرجع اطفال الاجانب ويلقى المربيه في استقباله تاخذ
الشنطه وتوديها لغرفته بصحبته يغير ملابسه ويغسل وجهه ورجليه
ويستريح له ساعه في أنتظار افراد العائله عشان يتغدى وبعد الغداء الرايق
يروح لغرفة الجلوس ويشرب شاهي لتهضيم ويحلي بقطعة كيك وبعدين
يروح لغرفته ينام له ساعه قبل العصر.
اطفالنا المحترمين
اما الولد منهم يجي من المدرسه وثوبه قالب لونه بني< تقول جدار مدرسه >
ولا دخل البيت رمى الشنطه بالصاله وفصخ ثوبه
ووينك يالشارع < اخوياه يحترونه>> وهاتك ياللعب
كوره بذا القايله وعادي الشارع مولع من الحراره وهم عادي مررره
ولا كأنه فيه شيء واهله ما يدرون ؟؟
في هذه الأثناء يرسل ابوه كتيبه من اخوانه للبحث عنه وذا جابوه
للبيت قام يصيح طقوني وسحبوني قدام الناس < والله ما أحد لمسه النصاب>>
المهم يحطون الغداء < معروف كبسة لحم
غيره ما فيه!! يتغدى الورع الكريم ويصــــــــــــــــــك بعدها لتر لبن
بعدها يجلس ساعه فاتح فمه
يحتري من يوديه يغسل له يديه!!!!!!!!!؟
أطفال الاجانب
- اطفال الاجانب لا جاء العصر جابوا دروسهم وشافوا وش عليهم من
واجبات وحلوها وحضروا دروس بكره بمساعدة الماما والبابا.
بعدها يروح لغرفة الألعاب ويجلس على البلاي ستيشن 2 وخذ لعب
لمدة ساعتين تقريبا يعني الى وقت ما بين المغرب والعشاء.
بعدها تطلبه امه مع بقية أخوانه عشان يجتمعون ويشربون العصير
ويسولفون سواليف
اطفالنا المحترمين
يجي وقت العصر وهو نايم < مفعول اللبن >> يقوم قبل المغرب
وياخذ دروسه وواجباته < وأقلامه ناسيها في درج الطاوله اللي بالمدرسه>>
ويروح عند أخته ويتحايل عليها بكل ما أوتي من قوه على شان تحل له
الواجبات واذا قالت لا يا ويلها يا سواد ليلها .
بعد كذا أنواع الدجه مع ربعه في الحاره ومن هم على شاكلته ما يخلون
هندي الا وسرقوا سيكله
ولا رجع البيت < على الساعه 11 تقريبا >> تلقى راسه مفلق من
جميع الاتجاهات والشرطه تدوره وجارهم مسوي أعلان عليه مطلوب
حي أو ميت!! وخذلك عاد < مساكين اهله >>
أطفال االاجانب
- أطفال الاجانب بعد ما يتعشى ويمسي على اهله يروح لغرفته ويجلس
على النت ساعه أو ساعتين الى موعد نومه < الساعه 10 تقريبا >>
بعدها يغير ملابسه وتجي المربيه وتحكي له قصه اللين ينام تغطيه وتطفي النور.
اما اطفالنا المحترمين
لا رجع البيت< الساعه 11>> ما يدخل مع الباب يقفز من
فوق السور على شان ابوه ما يمسكه .
وعلى طول لغرفته ويسكر الباب ويطفي النور ويطل من الشباك
على باب الشارع الرئيسي يشوف وش صار على
مسلسل المشاكل الم**يكي اللي جابها معه للبيت وكيف بيحلها ابوه
مع الناس ومع جارهم ومع الشرطه.
وفي أثناء ذلك يستغل الفرصه ويركض للمطبخ وياخذ منه جبن < جبنة البقره الضاحكه >>
وخبز ويرجع لووووووووووكره
ويقفل باب الصندقه > ويتعشى من ذا الجبن والخبز
اللين يدوخ > لا وأزيدكم من الشعر بيت ما ينام
الا وهو متلثم!!! < على باله مراقب >>
