أنتي مداك الضلوع اللي على صدري =
وانا مداي السهر والحزن والضيقه
ياسكرة عن شهدك التوت لو يدري =
تعسلت نكهته بحلوق اباريقه
ياقد يابان يامياس يامبري =
وش قصت الخيزران وقل توفيقه؟؟
ياحور ياسود يانعاس ياخدري =
ترى غواريق خلق الله غواريقه
ياليل يافاحم بك خصله خمري =
تمردت واخلف الحالك مواثيقه
عن لون ذاك السواد اللي طوى عمري =
وانا انتظر فالغروب ارجي مشاريقه
لو لا الرجاء ماتدلى عذقي بتمري =
ولو لا المطر مازهر العشب بزماليقه
ولو تنفذ ايام عمري مانفذ صبري =
ولو طقت قل للوصال الصد ماطيقه
يامترفه مالك الا اللول والتبري =
والتاج والملك والقلب ومعاليقه
اخر مداكي شرايين ورى صدري =
وانا اول اخطاي درب الحزن والضيقه
