قالوا مريض وقلت فيني ولا فيه
ياعزة الله كيف ذاك المرض ياه
كيف الألم يدمي فواده ويدميه
ليت الألم ياناس شخص آترجاه
لاجله بشيل العوق عنّه واراعيه
واصير من بد الخلايق أنا دواه
لانه عضيد الروح والقلب يغليه
ما ودي انه لحظة(ن) يشكي الآه
لو كان بيدي في عيوني أداريه
واتشيله اجفوني وتغمض وتنساه
ياذا المرض عجل دخيلك تعديه
خل التعب لا يهد حيله ويصلاه
ماجور يامن بالنواظر نساويه
يالله عسى م الشر يسلم محياه
